العودة   منتديات فور ستارز > المنتدى العام > منتدى بنات > وصفات الاكلات الشهية

وصفات الاكلات الشهية وصفات للاكلات الشهية المفضلة عند الجميع ووصفات الاكلات الجديدة وافضل الوصفات لعمل جميع الاكلات واشهي الماكولات لكل من يبحث عن وصفات للاكلاتت الشهية والمفضلة



4stARzzon Google+

 
 
08-10-2011, 04:36 AM
طريقه عمل ستيك اللحم بصوص الفلفل الأسود


ستيك اللحم بصوص الفلفل الأسود

المقادير:

3/ 4 كيلو ستيك لحمة
2 ملعقة فلفل أسود مجروش خشن
1 : 2 كوب مية أو شوربة
1/ 2 كوب كرفس مفروم
3 ملاعق كبيرة زبدة
3 ملاعق كبيرة زيت
2 ملعقة كبيرة دقيق
2 ملعقة صويا صوص
2 ثمرة بصل مقطعة شرايح
2 ثمرة جزر مقطعة شرايح
ملح وفلفل

الطريقة:

1- هتجيبي قطع الستيك تكون متقطعة سميكة، وتبّليها بالملح والفلفل، وبعدين شوّحيها في الزيت مع الزبدة لمدة دقيقتين على كل جانب؛ لحد ما يبقى لونها بني.

2- بعد كده هتكمّلي تسوية الستيك في الفرن، هتجيبي صينية وتحطي فيها شرايح البصل والجزر، وتحطي الستيك عليهم، وممكن تحطي شوية كمان فوق اللحمة؛ علشان ينزّلوا عصارتهم مع اللحمة، وتحطي 1/ 4 كوب ميه عليهم، ودخّليهم الفرن لحد ما اللحمة تستوي.

3- علشان تعملي الصوص حطي شرايح من البصل والجزر والكرفس في نفس الطاسة اللي شوّحتي فيها اللحمة، وتشوحيهم شوية لحد ما يدبلوا.

4- بعدين هتحطي عليهم ملعقتين زبدة وملعقتين دقيق، وتقلبيهم لحد ما الدقيق يتحمر، وبعد كده حطي عليهم كمية المية أو الشوربة، وقلّبي علشان الدقيق يدوب، وسبيه يغلي شوية لحد ما السائل يبقى سميك.

5- صفّي الصوص من الخضروات، وحطيه على النار تاني، وتبّليه بالصويا صوص، وخلي بالك ماتزوديش الملح؛ لأن الصويا بتكون مالحة، وحطي الفلفل الأسود وقلبيه هتلاقي لونه بقى غامق وقوامه متماسك.

6- ممكن لو فيه عصارة نزلت من اللحمة تضيفيها على الصوص؛ هيديها طعم حلو أوي.

7- رصي الستيك في طبق التقديم وحطي عليه الصوص، وممكن تقدميه مع الخضار السوتيه.. بالهنا والشفا.


Share

* كلمات اغنيه لما بقابلوا حاتم فهمى 2011
* استعدادا لجلسة الغد أسرة "العادلى" تجتمع بهيئة الدفاع
* مظاهرات المصريين فى السعوديه
* كلمة مع مصطفى حسني انا فشلت
* كلمات اغنية ملاك حارس ايهاب توفيق


Powered by vBulletin® Version 3.8.5
Copyright ©2000 - 2015, Jelsoft Enterprises Ltd.
Search Engine Friendly URLs by vBSEO 3.6.0 Trans by
Sitemap
RSS RSS 2.0 XML MAP HTML
 
تصميم وتطوير
جميع الحقوق محفوظة لـ منتديات فور ستارز 2014 - 2015