أختر مودك :


العودة   منتديات فور ستارز > المنتدى الأدبي > القصص والروايات

القصص والروايات كتابة القصة للموهوبين والمشاركة بها مع جميع الاعضاء والمشاركة باحب الروايات الينا وعرضها على الاعضاء



4stARzzon Google+

 
 
31-03-2011, 06:36 PM
 
كلمات قصيده اخر قصيده اكتبهالك هشاك الجخ


كرهـتك قد ما ضحكتى على شقايا
كرهــتك قد ما امى تحب رؤيـايـا
و قد رعشة ايدى وانا بكتب
أول قصيده أكتبهالك

آخر قصيده أكتبهالك
و آخر قصه فى كتابك
و آخر كلب فى كلابك
و آخر طيف يبات الليل على بابك

دا انا اللى كسّرت السهر
و رَقَصْت ويا الليل و رَقَّصت القمر

أنا اللى فَضّيت بِكر نجمه فى السما بَكّيت نجوم
و طلقت ايدى فى صدر نسمه اتلخبطت بين الغيوم
أنا الجخ و سامعه عنى و عارفه انى كل يوم
كنت قبلك ويا واحده و يمكن ويا اتنين فى يوم

تكسرينى؟! ... لا يا عينى
انتى واحده من ألوف
و ياما وانا عايش هشوف
انتى مجوعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك

نبرة الحزن فى كلامى مش ندم
ما أنا خدت منك كل حاجه وسبتلك حبة ألم
أنا خدت منك كل شئ
و فضلت قدامك برئ

كل ما فى الأمر إنى لسه ماشبعتش خيانه
تعرفى يا نانا الخيانه؟
مش خيانه تحبى غيرى .. يا خى حبى غيرى
همشى مع واحده تشوفيها و زى ما هغير انتى غيرى
مش خيانه

بس تبقى خيانه عظمى
يوم ما يبقى الحب كلمه
يوم ما تبقِى مالبدايه
حاطه للقصه نهايه

يا ترى لساكى فاكره؟

فاكره يوم ما رميتى قلبى بنظرتك قلبى اتجرح؟
كان فرح
أنا لسه فاكر.. كان فرح
كانت الرقاصه بتزِفّلِى حُبك
قلت احبك
يمكن الحب يداوينى
وادى ادينى
بكره اليوم اللى شفتك
بكره الشارع بكره الليل اللى ضمك
بكره القمره اللى بتفكرنى بيكى
و بكره اسمى اكمنه اسمك
بكره انى ابتسم
حتى اترسم
حتى اتدفن
بكره البحر اللى زغزغ صدرك السقعان فى حضنه
جيتى حضنى
حتى حضنى بكرهه لما اتّسعلك
بكره الشعر اللى خللانى ابقى نعلك
بكره القلب اللى سابلك صولجانه و بكرهك
واللى زانك طول سنين
جه الليلادى و شوهك

لا انتى ناعسه ولا انتى عبله ولا انتى شملوله الخجوله
اتكسر جوايه صوتك واتكسر جواكى عمر
بس عمرك هو عمرى
كان بودى أسيب فى قلبك ميت أتون من طين و جمر
بس قلبك هو شعرى

بكرهك...
ياللى ابتسامتك فرحتنى
و مرجحتنى و زحزحتنى
و كبرت...
الله اكبر
من كلامك من غرامك من عينيكى السودا ليل
قلبك المكسور بيعلن لانتصارى ميت دليل
و انتصارى مال على ودانى وهمسلى
قاللى "أوزوَلد" البرئ ما بقاش برئ
قاللى إن "سيزيف" دا زيف
و ان قولة آه بتطلع مالصعايده فين و فين
قاللى أنساكى فى مساكى
و اما اشوف قلبك عساكى تفوقى من وجع البنات
قالى بالرغم انه عارف انى حبيتك.. هجيتك
و انه شافك كاتبه اسمى بخط نونو تحت بيتك
قاللى شافك عالمرايه بتكشفى صدرك لصدرى
قاللى صبرك.. يا دى صبرى
اياك فاكرنى من حجر
اللى قاسَى فى حب نانا لو حجر...كان انفجر

كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
كنا سكر و كنا فجر و كنا سهره
كنا نتواعد بكلمه و كنا نتصالح بنظره

كنا لما تسافرى أو اسافر
يصير الليل مالوش آخر
أكن عيونك النعسانه مجافيينك
و أكلم نفسى طول الليل و أقول فينك
و كان قلبى بوسع البحر..لملم موجُه فى سفينك
و نفس البحر دلوقتى لعنلك ميت سلسفينك
لا عاد موجه بيهواكى
و حتى نجومه فى سماكى
رموكى بعد ما رماكى
و كانوا فى ليلة تفينك..

و كانو يناموا فوق مريلتك الكحلى
ينقولك هدومك يوم ما نكون هنتقابل
أنا و نانا فى طول أيامنا ما كنا بنتقابل
ما كل الناس هتتقابل

احنا كنا..
احنا كنا..
والله ناسى كيف ما كنا
بس كنا

يمكن الحلم اتقتل بس الجبل
لو هده ريح أو حتى مال برضك جبل
و انا مش جبل من طين وقش ولا عضمى هش
إن كان على القلب اللى حبك آخره نعش
و انصِبله بدل الخمسه ألف
و يبقى مات ولا اتخدعش

كنت كيف السبيه بيه
و كنت ليكى عبد طايع
صرت ورقه و حبر ضايع
وقت فات ولا جابش عايد
مش بقولك..
انتى مجموعة قصايد

لمى ورقاتك خلاص الحبر جف
و احكى للجيل اللى طالع بكره يضحك
قولى لابنك فيه زمان واد عقله خف
اوعَى لتصيدك بِنَيّه و زى فرحه يولّى فرحَك

شيلى عمرك باللى فيه
خدت منك كام قصيده سامحى فيهم
حق كُرسيين معسل مش حكايه
خدت من عمرك بُكايه
و ابتسامتى سيبتهالك
يكفى إنى لسه مالك نفسى و بخبى البُكا
شوفى شاعر غيرى يوصفلك جمالك

أما عالقلم اللى فى ايدى
شاريه من دكان صعيدى
راسه ألفين دومه نَيّه لانسى حبك من أساسه
عشتى طبعا فى الصعيد و عرفتى ناسه
يبقى أسهل شى عليا
أنسى حبك و انسى حالك
وانى اقول عالقصيده ديا
آخر قصيده أكتبهالك


Share
من مواضيعي .. منتديات فور ستارز

* اندلاع حريق في قطار "القاهرة - سوهاج"
* مطالبه الشعب بترشيح شفيق للرئاسه
* الزمالك يخوض تجربة ودية غدا
* كلمات اغنية كلمتي واحدة محمد نور 2014 من البوم حلوة الايام
* كلمات اغنية يا نينا فيروز كراوية 2012


Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.0 Trans by
Sitemap
RSS RSS 2.0 XML MAP HTML
 
تصميم وتطوير
جميع الحقوق محفوظة لـ منتديات فور ستارز 2014 - 2015
المنتدى العام الحوار العام المنتدى الإسلامي المنتدى الأدبي القصص والروايات كلمات الاغاني كلمات الاغاني الاجنبيه | lyrics كلمات الاغاني العربية المنتدى الإداري طلبات الاعضاء خاص بالشكاوي فقط منتدى البرمجيات البرامج العامة البرامج المشروحة دورات تدريبية منتدى تحميل الألعاب العاب اون لاين تحميل العاب الجهاز منتدى الجوال رسائل برامج الجوال العاب الجوال عالم الصور صور انمي النقاشات الإسلامية القرآن الكريم الحديث الشريف فيديوهات مضحكة الاناشيد الدينية الاسلامية البرامج الدينية التعارف والترحيب منتدى بنات تجهيزات افراح للعرايس عجائب وغرائب الصور صور مضحكة المنتدى الترفيهي نكت الالعاب والمسابقات منتدي ال TV المسلسلات الانمي والكرتونية منتدى الربح من موقعك جوجل ادسنس Adsense تطوير المواقع كلمات الاغاني العربية "الالبومات الكاملة" المجتمع ثقافة اعضاء فور ستارز رحلات_سفريات_سياحة ثقافة الكتاب عروض شركات الاستضافة الطلبات والمشاكل والحلول معلومات صحية - لصحة افضل الصور العامة صور الكاريكاتير اخبار المجتمع اخبار اليوم | اخر الاخبار اخبار الرياضة اخبار الفن - اخبار الفن والفنانين الفوتوشوب Photoshop دروس الفوتوشوب ملحقات الفوتوشوب عرض التصاميم الشخصية المسلسلات الكاملة تهيئة المواقع لمحركات البحث ال SEO لغة HTML اخبار الرياضة العالمية اخبار التعليم منتدى الفلاش السويتش ماكس رومانسيات دعوة لحفظ القرآن المجموعة الأولى لحفظ القرآن نقاش المجموعة الأولى لتقوية الحفظ خاص بالادارة عروض التلفزيون صور سيارات اخبار الحوادث نتائج التعليم البرامج واللقائات التلفزيونية اسعار الذهب والدولار اليوم - اخبار البورصة عمرو دياب تامر حسني المواضيع المخالفة اليسا وصفات الاكلات الشهية قصص الأنبياء 4starz forum free programs دروس windows xp 7 النقاشات الجادة عبد الحليم حافظ (العندليب) نسخ ويندوز xp و 7 - Windows xp & 7 الداعية الدكتور عمرو خالد المذيع احمد الشقيري نغمات إسلامية دينية طلبات جوجل ادسنس Google adsense المواضيع العامة ادلة المواقع - دليل المواقع - اضف موقعك اليوتيوب الرياضي sport media Car Photos مواضيع الاعضاء تردد القنوات الفضائية ادوات تطوير مدونات بلوجر blogger اللقائات التلفزيونية الكاملة الندوات الدينية توبيكات توبيكات عامة جمالك محمد منير سميرة سعيد ايهاب توفيق انغام مصطفى كامل محمد فؤاد ماهو صور بوسترات الالبومات رمضان 2014 الداعية مصطفى حسني نتيجة الشهادة الاعدادية 2014 نتيجة الشهادة الابتدائية 2014 نتيجة الثانوية العامة 2014 الداعية معز مسعود تربية الاطفال | تربية الابناء برامج اندرويد | Android ديكورات | ديكورات 2014
1 2 3 4 5 9 10 11 12 13 14 15 16 17 18 19 20 21 22 23 24 26 27 29 32 33 34 37 40 43 44 45 47 48 49 50 51 52 54 55 56 57 58 59 64 65 67 68 69 71 72 73 74 75 76 77 78 79 80 81 82 83 84 86 90 91 92 93 94 95 96 97 102 103 104 105 106 107 108 109 111 112 114 115 116 117 118 119 120 122 123 126 127 128 129 130 133 134 135 136 137 138 142 146 148 149 150 151 152 153 154 155 156 157 158 160 161 162 163 164 165 166